الحب اللي ضاع وضيعني .. وايه يعني..وايه يعني

الحب ضاع
وإيه يعني

دانا لما كنت بعشق

كنت مهموم وفي يأسي
بغرق

صوتي عالي ولا حد بيسمعني

ماهو ضاع
وايه يعني

حتى الصوت راح ومرجعش

اهم حاجة
اصمد ومضعفش

اسكت وابطل كلام

حتى الكلام
كأنه ماضي وفات

كل ما أحاول اتكلم يقتلني السكات

إذا كان الحب مات

هاينفع كلام او دموع او
حتى آهات

ما هو ضاع وايه يعني

ما فضلش غير قلب من القسوة بيلمع

كل الناس تتكلم وهو
بيسمع

وكل واحد يحاول يرجعني

ما هو ضاع وايه
يعني

حتى قلب الطفل شاب

كأنه شاف غول وسط ضباب

غول اسمه ضياع

مبيقولش غير كلمة وداع

ما هو ضاع وإيه يعني

كل ما شوف القمر بعيني

اقوله روح راحت ايام السهر

راح الهوى دا قضاء وقدر

كل مااحزن اقول دا نصيب

مش لازم يبقالي حبيب

ولا حتى قلب قريب

ما هو ضاع وإيه يعني

راح الفرح وودعني

نسيت نفسي نسيت طبعي

رحت للورق أسأله عن شعري

رف الورق وقال ماهو
ضاع وإيه يعني

رحت للقمر أسأله فين ليالي السهر

مشيت
ألعن الحب وسيرته

وأقول ليه الواحد يحب

ليه
يعيش تجربته

طب ما هو ضاع وإيه يعني

مشيت فى الطريق اسأله مين ضاع فيك

قالي كل واحد حب
ونسي نفسه

كل واحد ضحى كل عاشق كل باكي

كل
سهران كل حيران

كل من قال لنفسه الحب ينفعني

طب ماهو ضاع وإيه يعني

إرمي نفسك وسط العذاب

إرميها ومتقولهاش

قولها حبي وبس وانا هادفع
الحساب

ما هو ضاع وإيه يعني

الحساب والاحباب الصحاب ومبقاش
إلا العذاب

حتى العذاب كدة رحمة

حتى العذاب
كمان ضاع...وإيه يعني

وأرجع وافتكر انا لما كنت بعشق

وكنت مهوم وضايع بغرق

وإني نسيت الحب
وأشواقه

وإني رجعت تاني مشتاقه

اقول ماهو
ضاع وإيه يعني

الحب اللي ضاع وضيعني .. وايه يعني..وايه
يعني...