شاغل ناس كتير منا
لما تحس ان انتا بتحب حد وتفضل تفكر فيه وتتعب نفسك هو يا ترى بيفكر فيا برضه وبيحبنى ولا انا بتعب نفسى على الفاضى ممكن يكون الاحساس متبادل وده جمييييييييييييييييييل طبعا
لكن لو انتا مش متاكد من الموضوع ده
1_ازاي تعرف ان الشخص ده بيحبك ولا لا
2_ازاي تعرف ان الاعجاب متبادل
3_تعمل ايه بقي عشان تخليه ينجذب ليك؟
يللا احنا هنعمل زي استفتاء كل واحد هيقول رايه في الحكايه دي ونشوف اصح اراء فينا
بس ياريت اشوف الاجابات الحلوه منكم اللى اكيد هتنفعنا كلنا
.................................................. ......................
بالنسبه للسؤال الاول هتعرف ان اللي قدامك بيحبك من (ثلاث حاجات) *
....................................
1_نظره عينه ليك هتلاقيها كلها شوق وحنيه وشغف هتحس انها نظره غير نظره باقي البشر ليك
2_معاملته ليك هتلاقيه بيعاملك معامله خااااااصه لما تكلمه هينسي باقي الناس ومش هيسمع غيرك هيهتم ااووووي بكل كلمه تقولهالو
3_من العشره يا جماعه مش من يوم ولا اتنين تقول البنت دي او الولد ده بيحبني ماتحكمش بموقف ولا اتنين لا لازم تصبر بس عشان تحدد موقفك
لان العشره بتوضح حاجات كتير وقصدي بالعشره هنا مش الزواج يعني لا قصدي تحاول تبقي معاها طول الوقت ومن كتر المواقف منها معاك هتحدد سواء بتحبك ولا لاء لان ده شيئ بيتحس
بالنسبه للسؤال الثاني الاعجاب بيبان انه متبادل *
....................................
لما تلاقي ان كل خطوه منك للتقرب ليه او ليها بيقابلها خطوه منه للتقرب ليك مش تبقي انتا بتقرب وهوا بيبعد لو هوا بعد اعرف علي طول انه فهم اعجابك بيه ورافضه
*بالنسبه للسؤال الثالث (تعمل ايه بقي عشان تخليه ينجذب ليك؟)
اكيد في فروق فرديه يعني موش كل بنت هتعجب كل شاب بس البنات ممكن تجذب الي قصادها يااما
بالسكوت الدائم حتي تجعل من امامها يحاول التعرف عليها
اما ان تكون مرحه دمها خفيف بس موش قوي
ولو كانت في نفس السنه الدراسيه معاه البنت المتفوقه بتجذب انتباه الشاب جدا