علي إيه نغالط بعضينا واحنا اللي فينا مكفّينا
غُلبنا غلب مالهش مثيل تعبنا من كتر المشاوير
العيش كمان بقي له طوابير إيه اللي ناقص يا أخينا؟!
هنا الفقير لازم ينداس والعكس ينحط ع الراس
والشعب كله صبح محتاس والمولي وحده ينجينا..
سنين غريبة أيام سودة والفوضي بتعُم وموضة
لو الضماير موجودة ماكنش ده يجري علينا
الشعب مطحون ع الآخر ووعود كتير ملهاش آخر
حتي الأمل راح واتاخر واللحمة بتبصبص لينا
أكل البهايم وجبتنا والفول مهربد معدتنا
أسعار وغلو خرب بيتنا سمعتنا صبحت في الطينة
