س .و .جالرئيسيةالبوابةبحـثالتسجيلقائمة الاعضاءالمجموعاتدخول

شاطر | 
 

 الشباب بيفكر ازاى

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
اميرة الحب
... عــضـو مـتـألـق ...
... عــضـو مـتـألـق ...


انثى
مـسـاهـمـَـاتـك : 329
سـجـلـت إمـتـى : 01/10/2007

مُساهمةموضوع: الشباب بيفكر ازاى   الجمعة نوفمبر 30, 2007 9:38 am

سألت نفسي سؤال قررت اجاوبه، ايه السبب الرئيسي ورا كل مشاكلنا العاطفية ، أو بمعني اصح ايه الحاجة اللي لو كانت معانا محدش فينا ممكن ينجرح أو علي الاقل نسبة الجراح حتقل اوي ، صحيح الموضوع ده لو حصل ناس كتير بتسترزق من ورا المجروحين حيتخرب بيتهم ، زي بتوع 0900و اسامة منير و تامر حسني ، و عشان كدة قررت اجاوب علي السؤال ده ، لقيت ان المشاكل العاطفية مبتخرجش برة تلت مشاكل تقريبا : اما حد حب و اتخدع في اللي حبه ، او حب من طرف واحد او اكتشف بعد فترة انه كان فاهم الانسان ده غلط فالحب انتهي ، طبعا انا هنا بتكلم عن المشاكل اللي لينا يد فيها يعني الحاجات القدرية دي نصيب زي اللي حب حد و مات او اهله اجبروه علي جوازة تانية مثلا المهم ، لقيت ان لو كل واحد فينا فتح دماغ التاني (نظريا يعني ) و قرأ افكاره حيجنب نفسه حاجات كتيرة اوي ، لو قدرنا نعرف الجنس الآخر بيفكر ازاي حنتجنب مشاكل كتير و نحطم مفاهيم كتيرة غلط كانت عندنا و بكدة حنعرف نوصل المعني اللي احنا عايزينه و نفهم الطرف التاني عايز يقول ايه بكلامه -
الشاب في دماغه ايه :

،1- 55% من الشباب يجدون صفة الرقة هي اكتر صفة لا تقاوم في البنت و جه بعدها في الترتيب خفة الظل ثم الجمال (بس النسبة كانت متقاربة ) البنات بقه توقعوا ان اكتر صفة بتجذب الرجل لهم الجمال الخارجي و اتضح (حسب كلام الرجال ) ان ده مش صحيح
،2- لو سألتهم لو اعجبت بفتاة حتتصرف معاها ازاي 50% هيقولوحكون علي راحتي و انا بتكلم معاها و اتكلم بحرية 33% قالوا حاضرب لخمة اما بقي التابوو اللي عند بعض البنات انك لما تلاقي واحد متجنبك يبقي معجب بيكي و مكسوف فده طلع غلط خاااالص و الحمد لله اغلب البنات طلعوا فاهمين النقطة دي صح
3- اي بنت بتقول لواحدة صاحبيتها انا معجبة بفلان و مش عارفة هو بيحبني و لا لأ ، اول حاجة صاحبيتها بتسألها: معاملته معاكي مختلفة ؟ و الحقيقة لو سألت الرجال معاملتكم مع واحدة بتحبوها حتبقي زي الباقي كانت الأجابة حكون مرتاح معاها اكتر بس نسبة كبيرة برضه قالت مفيش فرق يعني النقطة دي بلاش نعتمد عليها اوي
4- النصيحة التانية اللي الصديقة بتوجها في الحالة دي هي ، ما تحاولي توضحيله اعجابك بيه علي خفيف و تشوفي رد فعله و بتكون البنت متوقعة ان الولد لو مبيحبهاش حيتجنبها أو معاملته حتتغير معاها بس الحقيقة ان 47% قالوا لن اغير معاملتي معها و 22% قالوا حدي نفسي فرصة احبها و ده اللي البنات توقعوا ات اغلب الولاد حيقولوهو هنا احذر لو بتحبي واحد مبيحبكيش شيلي الموضوع من دماغك احسن و متتوقعيش ان ده حيحصل و اقل نسبة اللي قالت اتجنبها
5- السبب الرئيسي في أن الشباب لسه عزاب كان عدم مقابلة الفتاة المناسبة بس البنات بقة كانوا فاكرين السبب الرئيسي قلة الفلوس و ده اللي بيخليهم يستغربو ا اوي لما يلاقوا شاب مقتدر و سنه كبر من غير زواج و يظنوا ان اكيد الموضوع وراه مصيبة
6- من هنا يبدأ صباح التناقدات لو سألأتهم لما تحبوا بنت حتقولو ايه الأغلبية قالوا ولا حاجة !!!!!! و اللي اتكرم و نطق قال انا معجب بيكي اما كلمة انا بحبك فهي آخر حاجة خطرت علي بالهم
7- و الأغرب انه مش عايز يتكلم بس يفضل انه يبح بمشاعره اولا
8- السؤال اللي حيصدم كل بنت دلوقتي : هل يمكن ان تحب فتاة لا تعد رقيقة و إن كانت ليست خشنة الطباع ؟ و الاجابة كانت لا
9- السؤال اللي حيفاجئ كل فتاة : ايه رأيك في البنت اللي تقولك انا بحبك و الاجابة : جريئة و احترم صراحتها و اقل الاجابات كانت و قحة بنسبة لا تتعدي 11% بالرغم من أن البنات كانوا فاكرين هو ده رد الاغلبية
10- مفاجأة اخري للبنات : الرجل يفضل المرأة قوية الشخصية و الصريحة يعني خليكي حقيقية و بلاش الحركات بتاعة الغموض سر جمال المرأة و الكلام الفاضي ده
11- السؤال اللي ما فيش حد سألتهوله الا و قال عليه غلس : ايهما اسوأ السمنة ام الوجه الدميم و الجميع اختاروا الوجه الدميم لأن السمنة بتتعالج و كانةا دايما بيقولوا الاتنين العن من بعض هههههههههههههه
12- السؤال ده اجابته تهم بنات كتير و انا شخصيا واحدة منهم : في بنات كتير تلقائية في تصرفاتها و بتتعامل ببساطة من غير تحفظ و السؤال كان : لو بنت تراها للمرة الاولي تعاملة معاك كدة حيكون رأيك ايه ؟ انها لطيفة و لا متحررة و لا تلمح لأمر ما و الحمد لله اغلب الشباب فسروا ده علي انه مجرد لطف ( مش جنان من اللطافة يعني)
13- السؤال ده برضوا يهم ناس كتير : بنات كتير بتستخدم كلمة انت زي اخويا ( و انا برضه من ضمنهم ) فهل تظن انها تعني : انت مجرد صديق – انت مثل اخي – ماذا امثل بالنسبة لك ؟ و كانت اجابة الرجال : انت لا تعني لي اكثر من صديق و السؤال ده انا حاطاه مخصوص عشان ال 13% اللي افتكروا انها بكدة عايزة تعرف هي بتمثل لهم ايه : يا جماعة مفيش بنت معجبة بولد حتقوله انت زي اخويا و لو في بنت قالتلكم كدة يبقي اما انها خايفة يوصلكم معني من كلامها هي مش قاصداه و انت فعلا زي اخوها او انها فهمت مشاعرك و حبت توضحلك من البداية انك مجرد صديق
14- 66% من الرجال يفضلون التعبير عن مشاعرههم من خلال التلميح و انا بوجهلهم نصيحة : مفيش داعي للكلام اللي يحتمل معنيين لو عندك حاجة عايز تقولها قولها أو اسكت و طالما عايز شريكة حياتك صريحة لازم انت كمان تكون صريح
15- مفاجأة للبعض : الرجل يفضل المرأة العاملة !!!
16- السؤال ده الهمني بيه المشهد العظيم بتاع مسرحية ريا و سكينة لما عبد العال قال لسكينة : يعني اللي انت رايداه و عايزة تتجوزيه اسمه عبد العال ، ولو سألت الرجل : ايه الحاجة اللي لو البنت عملتها تأكدلك انها بتحبك و كانت الاجابة الأكثر شيوعا هي الاهتمام بأموري الشخصية و التصريح المباشر
17- اهم المواصفات اللي الرجل بيحلم بيها في شريكة حياته كانت التدين و يأتي بعدها الجمل و الذكاء

البنت في دماغها ايه :
1- البنات قالوا ان اكتر صفة جذابة في الرجل خفة ظله و الشباب كانوا فاكرينهم حيقولوا فلوسه و علي فكرة الاجابة دي اخذت اقل نسبة بالرغم من اني وزعت الاستفتاء و لميته من غير ما اعرف ايجابات حد يعني اعتقد ان عنصر الصراحة كان موجود بشكل كبير
2- 60% من البنات بيشعروا بالاضطراب لما يتكلموا مع واحد معجبين بيه ، يعني لو لقيت البنت بتقول كلام تهبل او بتتلخبط و هي بتتكلم معاك ابشر اما لو كانت كلامها معاك تلقائي جدا يبقي انت مش في دماغها ده طبعا اذا كنت متعرفش طبيعة مشاعرها لأن البنت بتبقي حاسة انه باين عليها اوي فبتحاول تداري علي قد ما تقدر
3- البنات انقسموا علي نفسهم في التصرف مع واحد حبهم و هما ما حبهوش النص قال حتجنبه و النص قال اديله فرصة بس ده معناه ان البنت لو استشعرت ان في عندك مشاعر كدة كدة معاملتها حتتغير و حتقدر تعرف هي رافضة المبدأ و لا لأ
4- 77% من البنات متجوزوش عشان مش لاقيين الراجل المناسب و 77% برضه قالوا لما احب واحد مش حقوله حاجة يعني هي مش حتتكلم و هو مش ناوي يتكلم و موت يا حمار
5- 98% من البنات عايزين الرجل هو اللي يصرح بمشاعره الأول و يتجنبون وضوح مشاعرهم للطرف الآخر قدر الامكان و ده في رأيي يفسره اعتقاد اغلبيتهم ان الرجل يظن الفتاة التي تصرح له بمشاعرها وقحة
6- 98% من البنات عايزين الراجل قوي الشخصية و الصريح ولهم نفس رأي الرجال في موضوع السمنة و الوجه الدميم
7- البنت رأيها في الراجل اللي بيتعامل معها بلطف من اول مرة يشوفها انه لطيف ، يعني ما تخافش تتكلم مع واحدة زميلتك مثلا بلطف لتفتكرك بتعاكسها اقل من 2% بس اللي كان رأيهم كدة
8- يا جماعة البنت لما بتقول انت زي اخويا بيبقي قصدها انت زي اخويا ( ده رأي البنات ) و بنسبة اقل قليلا قالوا انت مجرد صديق اما موضوع انا ايه بالنسبالك ده فغلط جدا جدا
9- البنات يفضلون ان تصرح بمشاعرك مباشرة و عايزين شريك حياتهم يسمح لهم بالعمل
10 – اما عن سؤالهم ايه اللي يأكدلك ان فلان بيحبك فقالوا لما يجي يقولي انا بحبك و يتقدم رسمي و لم تختلف بنت واحدة علي الرأي ده
11- اكتر كلمتين اتكرروا بين البنات في صفات شريك حياتهم انه يكون بار بأهله و مناسب اما الصفة الشكلية الرئيسية فكانت طويل و لا عزاء للقصيريين هههههههههههههههه

اما بقي لو عايزين رأيي الشخصي في الموضوع فالحل الأمثل انك تبقي صادق مع نفسك و مع الآخريين يعني تبقي عارف بالظبط انت عايز ايه و مش عايز ايه و متحاولش تكدب علب روحك عشان تضفي علي نفسك مثالية مش فيك و تتسبب في ايذاء الغير لما تكتشف عدم قدرتك علي التكيف بعد كده ، متحاولش تجمل صورتك قدام الناس لو شايف فيك صفة مش عاجباك حاول تغيرها مش تمثل انها مش فيك و اوعي تغير صفة فيك لمجرد انها مش عاجبة الناس و انت راضي عنها ، حدد ما بينك و بين نفسك موقفك من كل انسان قدامك ووضحله مركزة في حياتك بالظبط عشان ما تندمش علي حد كان مهم انت ما وريتوش ده او حد وريته اكبر من حقيقة مشاعرك تجاهه فجرحته او ضللته بدون قصد ، ستظل الصراحة الفضيلة المحببة بالنسبة لي و تثبت في كل مشكلة انها الحل ، و اخيرا اقول لو كل واحد اتقي الله في تصرفاته حنرتاح كلنا بنين و بنات





الرجوع الى أعلى الصفحة اذهب الى الأسفل
انا بحبك

صاحب الموقع
صاحب الموقع


ذكر
مـسـاهـمـَـاتـك : 8222
هـوايـتـك : الرياضة
سـجـلـت إمـتـى : 20/09/2007

مُساهمةموضوع: رد: الشباب بيفكر ازاى   الجمعة نوفمبر 30, 2007 2:14 pm

هههههههه
والله الشباب معدش بيفكر الا فقي الجواز

_________________
الرجوع الى أعلى الصفحة اذهب الى الأسفل
http://dream.own0.com
real time

صاحب الموقع
صاحب الموقع


ذكر
مـسـاهـمـَـاتـك : 2823
سـنــك : 26
مـوقـعـَـك : http://www.riyadh-leaks.com/
عـَـمـلـك : طالب
هـوايـتـك : التصميم
سـجـلـت إمـتـى : 22/09/2007

مُساهمةموضوع: رد: الشباب بيفكر ازاى   الجمعة نوفمبر 30, 2007 6:08 pm

هههههههههههههههههه
مشكوووووووووووووووووووورة
دى بقت مشاكل عادية بقت اساسية

_________________
الرجوع الى أعلى الصفحة اذهب الى الأسفل
http://www.riyadh-leaks.com/
Ahmed Hussein

مـُـشـرف
مـُـشـرف


ذكر
مـسـاهـمـَـاتـك : 1491
سـنــك : 27
هـوايـتـك : Future
سـجـلـت إمـتـى : 26/09/2007

مُساهمةموضوع: رد: الشباب بيفكر ازاى   الأربعاء فبراير 06, 2008 2:52 am

مممممممممممممممممممم
الرجوع الى أعلى الصفحة اذهب الى الأسفل
زائر
زائر



مُساهمةموضوع: رد: الشباب بيفكر ازاى   الأحد مايو 18, 2008 2:28 pm

:مشكووور:
الرجوع الى أعلى الصفحة اذهب الى الأسفل
Bird Paradise
... عــضـو مـُـبـدع ...
... عــضـو مـُـبـدع ...


انثى
مـسـاهـمـَـاتـك : 840
عـَـمـلـك : طالبة بكلية اعلام القاهرة
هـوايـتـك : الاصدقاء والسفر
سـجـلـت إمـتـى : 05/05/2008

مُساهمةموضوع: رد: الشباب بيفكر ازاى   الثلاثاء مايو 20, 2008 10:57 pm

:موضوع جميل جدا
الرجوع الى أعلى الصفحة اذهب الى الأسفل
زائر
زائر



مُساهمةموضوع: رد: الشباب بيفكر ازاى   الأربعاء مايو 21, 2008 12:25 pm

:موضوع قمة الجم
الرجوع الى أعلى الصفحة اذهب الى الأسفل
 
الشباب بيفكر ازاى
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: ملتقيات دريم العامة :: الملتقي العام الشامل-
انتقل الى: