ما رايك في التغير الذي طرأ علي مفهموم الصديق الانتيم ؟ نقاش

بسم الله الرحمن الرحيم

طبعا ياجماعه كل واحد فينا ليه
صديق او صديقه انتيم
بيقله علي كل حاجه
في حياته
وبيشاركوه في كل مواقفه

كان من الطبيعي ان يبقي
لكل شاب صديق انتيم شاب زيه
وكمان البنت كده ليها بنت زيها

لكن
حصل تغيير هو

ان الشاب بقي ليه صديقه انتيم
والبنت ليها صديق انتيم
بيقولوا ليهم علي كل حاجه في حياتهم
وبيشاركوهم في قرارتهم

طيب السؤال هنا

هل انت من هؤلاء ولا لا؟

وهل انت تؤيد ده ولا لا؟ ولماذا؟

طيب لو انت تؤيد

لو انت ولد ومرتبط بنت
سواء عاطفيا او خطوبه او جواز
هل هترضي ان يبقي ليها صديق انتيم ولا لا؟
ولماذا؟

ولو انتي كبنت ومرتبطه بولد سواء عاطفيا
او خطوبه او جواز
هل هتوافقي يبقي ليه صديقه انتيم ولا لا؟
ولماذا؟


وفيه موقف كده بمناسبه الموضوع ده
ياريت تقولوا ليا رايكم فيه

كان ليا واحده زميلتي واحد زميلها معجب بيها
وقالها نرتبط وظروفي كذا وكذا

قالتها هو انت مش مرتبط
قالها لا
امال البنت اللي انت بتوقف معاها دي مين
قالها دي صديقتي الانتيم
واللي بتفهمني وتعرف عني
كل حاجه حتي الاسرار
اللي ابويا وامي مش يعرفوها

قالته بس انا مقدرش اتقبل الموضوع ده
قالها انتي حاجه وهي حاجه
انتي حبيبتي وهي صديقتي
متقرنيش نفسك بيها
قالته مقدرش برضه ومن رايي
تتجوزها احسن بما انك
متقدرش تستغني عنها
للدرجه دي
فقالها انا لو ملقتش حد احبه
ممكن اتجوزها في الاخر


ياريت اعرف تعليقكم علي القصه الغريبه دي

واتمني كل عضو يدخل يقولي رايه بصراحه
في الموضوع