التخسيس بين المعجزة والاسطورة والخرافة !!

[center]بسم الله الرحمن الرحيم
والصلاة والسلام على أشرف المرسلين
سيدنا ونبينا وحبيبنا محمد
- صلى الله عليه وسلم -
وعلى ال بيته وصحبه اجمعين
اللهم امين

....

اللهم لك الحمد على ما وهبتنا إياه من نعم .. فدمها علينا نعم يا رب
..

كتير من الاخوة الاعزاء .. اللى بيعانو من مشكلة الوزن الزايد .. طبعا .. هو فى الاول بينسى نفسه ... وينسى اكتر واكتر .. ووزنه ادامه بيزيد .. وكالعادة .. بنبدأ نتعلم الغلط اول ما قول .. اه ضهرى .. يا ركبى .. نفسى ضيق .. الضغط مش عارف ماله ..

ويبدأ بعد كده يدور على حل فى التخسيس .. اول حاجة يبدأ يسأل ده وده وده .. ويبدأ يسمع الاتى

اديها مية سخنه على الريق .. البس حزام على البطن .. ادخل ساونا ..

وغيرها من النصايح اللولبيه الرهيبة ..

الاخ يجرب الحاجات دى ماتجيبش نتيجة

يبدأ يخش فى الموال التانى .. الموجع .. الدكتور

يروح لدكتور .. ايوة يا حبيبى .. ريجيم كيمائى .. النهاردة كل تفاح بس .. بكره كل كمثرى بس .. بعد بكره كل موز فقط .. لغاية ما الواد ياعينى يتقلب قرد ونجيبه من جبلاية القرود فى حديقة حيوان الجيزة ..
...

دكتور تانى يدي نظام غذائى .. وتفاحة وربع فى الغدا .. وخساية ونص فى العشا على شريحتين جبنه فلامنك ماركة زغاليلو ياما .. وكل مسلوق وميه قبل الاكل لغاية ما تفطس ..وهكذا

دكتور تالت يدى نظام غذائى .. على كام برشام منع الشهية .. على برشام عدم امتصاص الدهون .. على برشام حرق الدهون .. وحبوب منع الحمل لو متوفر مافيش مشاكل

ويا عينى .. الواد يتقلب مدمن ..

....

كل ده فكسسسسسسسسسسسسسسسسسسسسسسسسسسسسسسسسسسسسسسسسسسسسسسسس سسس

كلها نظم تعبانة غرضها الاول والاخر توقيع الجسم فى الارض عضل قبل دهن .. والدليل .. ان اغلب الدكاترة يقعد يدو فيتامينات لـ المرضى اللى هم اصلا مش مرضى .. لان النظام الغذائى بتاعه تعبان .. بيعتمد على جهل الشخص اللى ادامه .. لانه هو ادامه واحد عاوز يخس وخلاص .. النهاردة وزنه 90 .. عاوز على اخر الشهر 80 .. فيروح مديلة نظام غذائى معلم كده وحلو

والاخ يقع عضل .. ودهونه تفضل زي ما هى .. على شوية ترهلات .. على كام حوار كده

طيب الريجيم يخلص .. وحبوب منع الشهية خلصت على الحبوب التانية والتالتة

الواد هوب شهيته رجعت .. وبدأ يخبط .. وبدأ يزيد ..
يروح رايح للدكتور تانى .. ودواليك

" ملحوظة فيه بعض الناس بتعانى من مشكلة فى الهرمونات وافرازات الغدد دول يكشفو عند دكتور غدد علشان الدنيا تتظبط جنب الانظمة الغذائية والرياضية "
...

اولا شغل البرشام والشيتوكال والحوارات دى .. معلش .. شغل ناس مأنتخه .. طب ما سبحان الله .. هو انت هاتعيش طول عمرك على الشيتوكال والموزة .. والنظم الغريبة دى كلها .. اكيد لأ ..

ولازم نعرف حاجة مهمة جدا

اللى بيخس بياكل من 5 الى 7 مرات فى اليوم .. لانه بالطريقة دى بينشط الحرق عنده على مدار اليوم
اللى بييخس بياكل كل حاجة فى اليوم من لحوم لكارب لخضروات لدهون كمان بس مش أى دهون
اللى بيخس لازم يخس ببطىء يعنى مش ازيد من 5 كيلو فى الشهر ماهو معلش زى ما اخدت وقتك فى الزيادة خد وقت بردو فى النقصان
اللى بيخس من غير ما يلعب رياضة .. يبقى وقع اكبر عمود من عواميد التخسيس
وفى الرياضة هانتكلم عن نوعين
أولا الجيم والرياضات اللاهوائية .. دى غرضها انك تعمل جسم عضلى اثناء فترة التخسيس علشان لما تخس تلاقى جسمك مشدود كده وحلو بدل ما تلاقى نفسك دبلان والتمرين دى بتنشط الايض وده من 4 الى 5 مرات اسبوعيا

تانى حاجة تمارين الكارديو الهوائية .. ودى عليها العامل الاكبر فى حرق الدهون ودى بتكون من مرتين الى تلاته اسبوعيا

طب الحل إيه ..

نيجى بقى للحل ونفرط المسائل كده واحدة واحدة

...

اولا .. انت جسمك زى ما زاد من غير حاجة .. بمعنى فكك بقى من البرشام وحبوب التخسيس والكلام ده

انت فين يا باشا .. ومخك فين .. وارادتك .. وترتيبك لامورك ..

ركز بقى كده وشوف ممكن تعمل ايه

1- إعرف سبب زيادة وزنك إيه

بمعنى .. اعرف ايه العادات الخاطئة اللى انت اتبعتها علشان وزنك يزيد بالمنظر ده ..

اه فعلا انا كنت بعمل كذا وكذا وكذا .. خلاص ادى نقطة ولازم نصلحها

2- أعرف ايه الاكل الصحى اللى ممكن اكله واثقف نفسى شوية فى حتة التغذية ..

بمعنى اعرف ايه اضرار الدهون والفاست فود والكارب المحول والسكريات العالية .. علشان تبقى عندى دراية بمخاطر الحاجات دى

واعرف ليه الاكل الصحى بيسموه اكل صحى .. وليه الكارب اللى فيه الياف احسن من الكارب المحول زى العيش الفينو .. وليه السكر والعصاير بتزود الوزن وليه الحاجة الساقعه بتزود الوزن .. دى حاجة

3 - نظم سعراتك الحرارية انها تكون اقل من احتياجاتك بمقدار بسيط ومش بمقدار كبير .. وتقليل الاكل وحتى منع الدهون كله لازم يمشى تدريجى علشان ماتفاجئش جسمك وبالتالى هو يعملك مفاجئات مش ظريفة

4 - الجدول الرياضى لأى بنى ادم فى الدنيا مهم بيخس او مابيخسش .. ربنا يمسيهم بالخير الناس بتوع اوروبا قمامير وحلوين ومقطقطين وتسأل المزة من دول عندها كام سنه يطلع عندها 56 سنه .. وماننساش عفاريت الحركة بتوع اوروربا

...

تمام

هانتكلم شوية بقى عن التغذية

نمسك فى البروتين

البروتين هو اساس العضلة واى نظام خالى من البروتين ده نظام فاسد احمق شلولح

اهم مصادر عندنا فى البروتين السمك وصدور الفراخ والبيض

واللحم الاحمر ييجى فى المرتبه التانية .. مع العلم ان أى لحوم تكون مشوية او مسلوقة مخليه من الدهن ومن غير ما نقرب للشوربة

نيجى للكاربوهيدرات

اه .. تيجى هنا بقى مشكلة .. الناس تبدأ ريجيم . تخاف من الرز .. وتجرى من البطاطس .. ولو قابل طبق بليلة فى الشارع ترتجف ركبتاه من الرعب

قالك بقى ايه

قالك يا ابو اسماعيل احنا عندنا نوعين من الكارب

الكارب الكامل الحبة واللى بيحتوى على الياف .. والكارب المحول

طب ايه الكويس يابا الحاج ..

قالك الكويس هو الكارب الكامل الحبه زى الرز البنى الشوفان القمح .. والكارب اللى بيحتوى على الياف زى العيش الاسمر والبطاطا والبطاطس ..

ونقرا دى كده

الانواع دى كويسة لانها بتدى الجسم السكريات ببطىء وانتظام وبتحافظ على مستوى الانسولين فى الدم

طب ايه الكارب المحول .. قالك ده زى العيش الفينو والابيض والكيك والمكرونة ..

والحاجات اللى خالية من الالياف دى دى بتدى الجسم سكريات بسرعة .. وبترفع معدل الانسولين فى الدم .. وبتتخزن لدهون

ندى مثال بسيط .. زى الناس اللى قاعدين فى صحرا وعندهم بير ... والناس بتاخد منه بإنتظام عادى

ناس تانية معندهمش بير والدنيا مطرت عليهم .. هوب كل واحد بياخد ويعبى ليه وللزمن

اهو الجسم بيعمل ك

<table cellSpacing=0 cellPadding=0 width="100%" border=0><tr><td vAlign=bottom width=75><table cellSpacing=0 cellPadding=0 width=50 border=0><tr><td class=smallfont vAlign=top width=28></TD>
<td class=smallfont style="BACKGROUND-POSITION: center 50%; BACKGROUND-IMAGE: url(Romntic1/quotes/quote-bg.gif)" vAlign=center width="100%"></TD>
<td class=smallfont vAlign=top></TD></TR></TABLE></TD>
<td style="BACKGROUND-IMAGE: url(Romntic1/quotes/quot-lr-bg.gif)" vAlign=bottom align=left></TD>
<td vAlign=bottom align=right width="100%"><table cellSpacing=0 cellPadding=0 width="100%" border=0><tr><td width="100%"><table cellSpacing=0 cellPadding=0 width="100%" border=0><tr><td style="BACKGROUND-IMAGE: url(Romntic1/quotes/quot-top-bg.gif)" vAlign=center width="100%"></TD>
<td class=smallfont vAlign=top align=left></TD></TR></TABLE></TD></TR></TABLE></TD></TR></TABLE>
<table cellSpacing=0 cellPadding=0 width="100%" border=0><tr><td style="BACKGROUND-IMAGE: url(Romntic1/quotes/quoting-left.gif)" width=10></TD>
<td vAlign=top width="100%" bgColor=#ffffff></TD>
<td style="BACKGROUND-IMAGE: url(Romntic1/quotes/quoting-right.gif)" width=10></TD></TR>
<tr><td style="BACKGROUND-IMAGE: url(Romntic1/quotes/quot-left-bg.gif)" width=10></TD>
<td class=smallfont vAlign=top width="100%" bgColor=#ffffff></TD>
<td style="BACKGROUND-IMAGE: url(Romntic1/quotes/quot-right-bg.gif)" width=10></TD></TR>
<tr><td vAlign=bottom width=10></TD>
<td style="BACKGROUND-IMAGE: url(Romntic1/quotes/quot-bot-bg.gif)" width="100%"></TD>
<td vAlign=bottom width=10></TD></TR></TABLE>

وفيه ملحوظة كده صغيرة الكارب ممنوع فى العشا نهائى .. واخر وجبة تكون قبل النوم بساعتين .. لان الكارب قبل النوم على طول بيتخزن على هيئة دهون لان الميتابوليزم اثناء النوم بيكون منخفض

ويفضل وضع الكارب فى وجبات النهار علشان تستغله على مدار بقية اليوم يعنى يفضل يكون اخر كارب داخل جسمك على الساعه 8 مسائا .. علشان ماتعرضش نفسك لتخزينه على هيئة دهون لو اكلت كمية زيادة ..
...

بالنسبة للخضار لازم تهتم بالخضار اللى لونه اخضر اللى فيه مضادات الاكسدة
...

.....................................

نخش على التمرين

احنا قولنا ايه فايدة التمرين

بالنسبة للجيم فهو تكوين جسم عضلى علشان لما وزنك ينزل الجلد يتشد على العضل ويبقى مظهرك حلو بجانب انى بعلى معدل الايض عندى

والكارديو .. انى بستغله فى حرق الدهون المتراكمة فى الجسم وعدم تراكم اى دهون زيادة بعد كده

طبعا ده بجانب تحسين القلب والرئة ولياقة الجسم وفوايد الرياضة عموما

....

وعلى فكرة اوعى تقول انه صعب او مستحيل .. فيه ناس كانت بتدخل الجيم انابيب بوتاجاز وبتطلع منه فورم .. لا بقى برشام تخسيس ولا علاج بالاعشاب .. اهى كلها ضحك على دقون الغلابة وفلوس داخلة فى جيوب الديابة

واللى فى الجيم او اللى سبقك بتجربة التخسيس مش احسن منك فى حاجة ولا انت عاجز عنه فى حاجة

بس هو اختار الطريق السليم واكتسب خبرة فى التعامل مع جسمه

اما احنا للأسف بتختار طريقة الانتخة وخسسونى فى مكانى لاحسن @!#@ وجعانى

بجد الوحد بيفرح لما يلاقى شاب او شابه بيجرى الصبح بدرى او فى الفجرية وكلهم عزيمة ونشاط واصرار على التخلص من الوزن

...

يبقى نجمع افكارنا بعد التوهان ده

1- البعد عن الدهون " صحيح الدهون المفيدة هى زيت الزيتون والاوميجا3 بتاع السمك "- واكل الكارب كامل الحبة وذى الالياف والبعد عن الكارب المحول والسكريات والعصاير والحد من الفاكهة على اقل قدر - اللحوم تكون مشوية او مسلوقة وخالية من الدهون
واكل 5 وجبات الى 7 على مدار اليوم وجبات متوسطة خفيف ويكون الكارب اقل من احتياجات الجسم بشىء بسيط

2 - الانتظام على الرياضة فى الجيم وإذا لم يمكن يبقى سويدى فى البيت .. والانتظام على الكارديو من مرتين الى 4 اسبوعيا كل مره حوالى 30 دقيقة الى 45 دقيقة

3 - البعد عن الخرافات ..

4- تنظيم كل ده فى حدود انك تنزل 4 الى 5 كيلو شهريا .. ودى حاجة تتحكم فيها عن طريق الاكل والكارديو

وقبل كل ده الاستعانة بالله

واذا كان من توفيق فهو من الله واذا كان من خطأ فهو منى

وربنا يعفو عن الخطأ والنسيان

والله تعالى أعلى وأعلم

[/center]

موضوع مفيد جدا يا ايمن تشكر عليها

وشكرا لمجهودك
موضوع جميل جدا

شكرا يا ايمن
وجاري تعديل الموضوع

زائر

» اعشاب التخسيس وانقاص الوزن
» العشرة اطفال المعجزة
» المعجزة الالهية في ماء زمزم
» 10 أطفال أطلق عليهم لقب المعجزة
» المعجزة العلمية في تشريع الصوم