الغباء مش معناه ان واحده مبتفهمش
او واحده عندها لا مبالاه من اى شئ
لا الغباء هوا انك تحطى ثقتك فحد
وللاسف يكون جديد عليكى
وتحلفى بعمرك كله ان احسن حد عرفتيه
تعالى بقه شوفى انتى غبيه ولا حكايتك ايه
*لما تصدقى راجل وتبصمى بالعشرة انو راجل مافيش بعد كده عشان قالك ازيك بلطف
او قالك كلمة حلوة >>>تبقى غبيه
*لما تتدلقى وتحكى عنك كل حاجه واى حاجه لراجل لسه عارفاه من مده صغيرة يعنى متعرفوش كويس حتى لو مع بعض ليل ونهار >>>تبقى غبيه
*لما يطلب منك انك تتقابلى فبيته وهتقعدو محترمين وواثق فيكى او واثقه فيه >>>>تبقى غبيه
*لو عرفك على اصحابه وقعدتو مع بعض كلكو ويقعدوا بقة يتفرجوا عليكى كانك فيلم سينما ولا كيس فاكهة وانتى وافقتى انك تقعدى >>>تبقى غبيه
*ولما تتقابلى برة من ورا اهلك على امل انه فيوم هيجى يتقدملك
>>>>تبقي غبية
*لما تلبسى كل اللى على الحبل وتخلى ريحت البيرفيوم بتاعك وانتى ماشيه يشمك اللى فالشارع اللى ورا ورا ورا وراكو وتتمكيجى مكياج صاارخ وانتى بتتمايلى بلبسك الضيق عشان بس تلفتى نظر الشارع ليكى >>>>تبقى غبيه
*لما تعتقدى وانتى لسه فسن المراهقه ان حبك اللى بتحبيه هيدوم معاكى طول العمر >>>>تبقى غبيه
*لو اعتقدتى ان الحب علاطول حلو ومافيهوش مصايب ولا حجات توجع >>>>تبقى غبيه
