قمر الزمان
مـُـشـرفـه عـَـامـه
مـسـاهـمـَـاتـك : 9693
سـجـلـت إمـتـى : 30/05/2008
 | | موضوع: حوار بين ابو جهل وابو تريكة الإثنين يونيو 30, 2008 2:44 pm | |
| حوار بين أبو جهل أبوتريكه
أكيد فى حاجه غلط .. الشارع فاضى مش ممكن ؟! وكمان الطريق سالك .. أمال الناس راحت فين
يارب حد يعدي دلوقتي عشان أسأله بقيت الناس راحت فين ؟!
- انا سامع حد جاى من ورايا ... اول مايعدى جنبى هساله فين الناس
- يا خيبتى دى طلعت قـٌطة معدية
وفجأه وانا ماشى لوحدى فى الشارع زى اللى ماشى على المريخ اخترق سمعى صوت كالرعد (جووووول)
- يعنى ايه الناس اختفت من الشوارع عشان تتفرج على حته ماتش .. صحيـح الفرجة ع الكورة مش عيب بس العيب ان الناس تبقى مش فالحه فى حاجه غير الكورة ومش متابعة لاى اخبار غير اخبار الكورة ومبتفهمش فى حاجة غير الكورة
- أهو فى واحد جاى يجرى من أخر الشارع ...
كابتن كابتن هو فيه ايه ؟ هؤ الناس بتزعق كدة ليه ؟
- قالى : انت مش عايش فى الدنيا الاهلى جاب جون
- قلتله (طبعا وانا باجرى جنبه ) : يعنى الشوارع فاضية عشان ( ماتش كورة ) ايه الهيافه دى
- قالى : متوجعش دماغى انا عاوز الحق الماتش .. انت شكلك كده زملكاوى ( وطار من جنبى )
ملحقتش اساله عن سر اهتمام شعبنا بالكورة رغم ان مستواها يكسف وكمان ملحقـتـش نفسى قبل ما أتخبط ف عمود النور ومشفـتـش قدامى غير "ابو جهل" بتاع قريش واقف ع الناصيه مع
"ابوتريكة" بتاع الاهلى وسمعت الحوار ده
أبو جهل : عمت مساءا يا أبا تريكة
أبو تريكة : احنا لسه بالنهار يا أبو جهل
أبو جهل : معلش اصلها مضلمه عندى من زمان .. لقد رايتك البارحه وانت تصول وتجول . ( عاريا الا من فانلة وشورت ) وتتراكلون من أجل قطعة من الحجر فما اهيفكم !!
أبو تريكه : امال لو شفت المشجعين والمصايب اللى بيعملوها هتقول ايه ؟
أبو جهل : صحيح احنا كان بنا سفاهه .. يعنى عندك واحد مثلى كنت اصنع الهه من العجوى اعبدها ثم اكلها حين اجوع بس مش للدرجه دى
أبو تريكه : انت مشوفتش حاجه يا ابو جهل ناس بتشتم بعضها بالأم ؟ وناس بطلع صوت وحش من منخيرها ( 41 غنة ) ورجاله بشنبات بتتعارك مع بعضها عشان الكورة اللى مش عجباك .. دا حتى لسه واحد مطلق مراته لما عرف انها بتشجع الزمالك
أبو جهل : هناك ما يدور فى شعاب قريش بانكم قد هاجمتم القافلة البيضاء بالسنج والمطاوى فأخذتم عيرها وضربتم اميرها وبطحتم راس بنت اميرها .. هو انتوا فكرين نفسكوا ابرهه؟!
أبو تريكه : اكيد اللى عمل كده قله مندسه . كل واحد فيهم هتلاقيه كان شاربله قدحين من الخمر وحابسله نفسين حشيش سيبك منهم دلوقتى .. قولى انت بس ايه اللى حصلوكوا ف بدر .. سمعت ان المسلمين ضربوكوا على قفاكم
أبو جهل : لا تذكرنى يا فتى .. لقد ظبطنا المسلمين يومها .. وجلست ابكى قبل ن يجيبوا كرشى كما يبكى عبد الواحد السيد اليوم وهو ينظر الى شبكة مرمه المخرومة من كتر اللي شاله .
أبو تريكة : خلاص ملهاش حل غير ان انتوا تلعبوا مع الزملكوية ما تش واللي يغلب ياخد المركز التالت
أبو جهل : خلاص راحت علينا من زمان ، ... بقولك ايه ياتريكة ما تيجي تلعب في صفوف قريش وأعطيك سُرة من الدنانير وجارية مليحة و11 ناقة ؟؟
ابو تريكة : ليه يا اخويا ؟! انت عاوز وانا بلعب معاكوا قدام الطائف أتـنـتـش سهم ولا حربة تضيع مستقبلي ؟؟ لا ياعم أنا مش مستبيع | |
|
زائر
زائر
| | موضوع: رد: حوار بين ابو جهل وابو تريكة الإثنين يونيو 30, 2008 4:01 pm | |
| سبحان الله
شكرا على الموضو |
|
قمر الزمان
مـُـشـرفـه عـَـامـه
مـسـاهـمـَـاتـك : 9693
سـجـلـت إمـتـى : 30/05/2008
| | موضوع: رد: حوار بين ابو جهل وابو تريكة الإثنين يونيو 30, 2008 5:33 pm | |
| شكرا لردك الجمي
نورت الموضوع | |
|
انا بحبك
صاحب الموقع
مـسـاهـمـَـاتـك : 8222
هـوايـتـك : الرياضة
سـجـلـت إمـتـى : 20/09/2007
| | موضوع: رد: حوار بين ابو جهل وابو تريكة الجمعة يوليو 04, 2008 11:02 am | |
| هههههههههههههههه
ايه دا يا قمر الزمان
مبلاش ابو تريكة
شوفي واحد تانى
شكرا على الموضوع الجميل
من شخص اجمل
تسلم ايدك
وبنتظار جديدك | |
|
زائر
زائر
| | موضوع: رد: حوار بين ابو جهل وابو تريكة الجمعة يوليو 04, 2008 7:43 pm | |
| لاء الكوره مش هايافه
ياقمر |
|
