س .و .جالرئيسيةالبوابةبحـثالتسجيلقائمة الاعضاءالمجموعاتدخول

شاطر | 
 

 عشر أنواع من الرجاله ماينفعوش لا للجواز ولا للأرتباط !!!

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Bird Paradise
... عــضـو مـُـبـدع ...
... عــضـو مـُـبـدع ...


انثى
مـسـاهـمـَـاتـك : 840
عـَـمـلـك : طالبة بكلية اعلام القاهرة
هـوايـتـك : الاصدقاء والسفر
سـجـلـت إمـتـى : 05/05/2008

مُساهمةموضوع: عشر أنواع من الرجاله ماينفعوش لا للجواز ولا للأرتباط !!!   الأربعاء يونيو 04, 2008 1:42 pm

انا قريت التصنيف الجميل دا فى واحد من المنتديات وعجبنى اوى وقلت ااقدموا لبنات حواه وشركائى فى عصابة البنات علشان نخلى بالنا ونبعد عن العشر انواع دول من الرجاله دا على اساس انى اللى مش هاتنطبق عليه الصفات دى هايكون الرجل المثالى فى العالم كله اممممممم ماعتقدش دى فكره مستحيله مافيش انسان مثالى ...
تعالوا معايا ااقولكوا مين هما العشر انواع دول :

النوع الاول دلوع ماما صفاته ..
رقيق ولطيف يمكن اكتر منك وكمان ها يكون عندوا كرش صغير من أكل ماما المسبك بيقضى معظم وقت فراغه في البيت.الشيء اللى هايشدك ليه في البداية أنه بيحب يشوف برامج المرأة وطبق اليوم معاكى.الشيء المرعب أنه فعلا شاف الحلقات دى مع مامااااااااا.علامة الخطر هاتظهر
لمايقولك إنك أنتى البنت التي كانت بتحلم بيها ماما طوال عمرها علشان تبقى مراته ويعرفك عليها في أول لقاء بينكم.علشان تتخلصي منه
اعترفي له أنك بتفضلى الراجل الذي بينقى لبسه بنفسه ومش بيعتمد علي ذوق ماما او حتى قوليلوا انك بتكرهى ماما اى حاجه بقى علشان تخلصى.

النوع الثاني البخيل صفاته..
غنى في معظم الأوقات لكن مش بيبان عليه،مش بيحضر الحفلات والمناسبات الا اذا كان عارف انها مش هاتكلفوا هديه، بيتجوز في سن متأخر شويه.الشيء اللى هايشدك ليه في البداية ذكاؤه وحرصه الشديد علي شغله وعلي مستقبله وطموحه الكبير. لكن الشيء المرعب أن فلوسه دى بتمشى في اتجاه واحد دايما إلي البنك ولايمكن تاخد الاتجاه المعا *** ,علامة الخطرهاتبان لما يجيلوا المرض فجاه يوم عيد ميلادك علشان مايجبلكيش هديه ويشغلك بمرضوا وينسيكى عيد ميلادك خالص .علشان تخلصي منه قوليلوا أنك اكتر بنت مسرفه علي وش الأرض هايمشى على طوووووووووول .

النوع الثالث مشروع المؤلف او الفنان عموما صفاته ..
فى معظم الاوقات لابس نظارة طبية أنيقة وشايل دائما جرنان أو كتاب في أيده وبيستعرض ثقافته الواسعة دايما لما بيتكلم وبيأكد معرفته العميقة بطبيعة النفس البشرية وان التجارب اللى عاشها لاتقدر بثمن ياسلام ... المهم اللى هايشدك ليه في البداية .. لباقته في الكلام وأفكاره المترتبة وكلامه الجذاب الشيء المرعب.. أنك هاتعيشى مع فنان متقلب المزاج وهيقضي معظم وقته شاردا بيدورعلى فكرة جديدة او ابداع جديد , علامة الخطر هاتبان.. لما يفتعل خناقه بينكم أو حتي مشهد انفصال علشان يكتب مشهد واقعى فى روايته الجديده او يرسم لوحه تعبر عن المأساه اللى ياحرام عايشها , علشان تتخلصي منه.. قوليلوا أن سلسلة "لوريل وهاردي" من أجمل الأفلام المقتبسة من اعمال ادبيه واللى اتعرضت فى السينما او حتى قوليلوا ان لوحة الموناليزا حوله .

النوع الرابع مدمن الرياضة صفاته ..
مظهر رياضى، جريء، علي استعداد دايما انوا يلعب اى مباراه حتى لو كانت بس للتسليه وبيفضل الملابس الرياضية.الشيء اللى بيشدك ليه في البداية... مظهره اللى بيوحي بالقوة، و الحيوية الشديدة والسعاده والتفائل اللى مرسومين دايما على وشه. لكن الشيء المرعب .. أنه بيقضى معظم وقته فى الجيم وتظبيط نظام اكله علامة الخطر هاتبان فى أول مرة هايعزمك فيها بره لانه هيختار مكانا فيه شاشة عملاقة مابتعرضش غير قنوات الرياضة المتخصصةعلشان تخلصى منوا اعرفي فريق الكورة الذي بيشجعه وقولى أنك من أكبر المشجعين للفريق المنافس , وياسلام لو اكلتى قداموا كام علبة ايس كريم كدا اكيد هايطفش ..

النوع الخامس محب النساء (فلانتينو يعنى) صفاته ..
سواء كان غاية في الوسامة أو كان راجل عادى .. فى حاجه دايما فى الراجل دا بتخليكى تلتفتى ليه هو انوا بيعامل النساء وكانهم مصنوعين من الماس والشيء اللى هايشدك ليه في البداية.. انه بيعرف ازاى يجامل وازاى يقولك كلام يمس وترالقلب ويخليكى تحسى انك اميره وانوا اكتر راجل رومانسى فى العالم كله, لكن للأسف الحلو مايكملش لانك هاتلاقيه بيستخدم نفس الكلام والاسلوب مع كل النساء ,وعلامة الخطر هاتبان لما يغلط ويناديكى بأسم واحده تانيه . علشان تتخلصى من فلانتينوا قوليلوا ان باباكى بطل فى الكاراتيه ونفسوا يقابلوا ويتعرف بيه فوراااااااا ... اكيد لازم ساعتها هايمشى لأما هايعدى على المستشفى وبعدين برضوا هايمشى

النوع السادس الخيالي صفاته ..
هاديء، كلامه قليل ، صوت واطى وهادى ودا انتى حتى ممكن متلاحظيش وجوده وسط أي تجمع.الحاجه اللى هاتشدك ليه في البداية . ان فى شيء غامض دايما فيه وهيثير فضولك وهاتحاولى إكتشافه وهتأثرك طبعا رقته وابتسامته الودودة .الشيء المرعب بقا إنه بيتعامل مع الناس حسب الصوره اللى هو راسمهالهم فى خياله مش حسبب شخصياتهم الحقيقيه يعنى هو راسملك شكل وشخصيه فى خيالوا ولما هايتعامل معاكى هايكون على الاساس دا ومش هايحاول يتعرف على شخصيتك الحقيقيه ابدا ، دا غير انك هاتلاقى طموحه دايما خيالى ومش بيعرف ينفذوا فى الاخر . علشان تخلصى منوا قوليلوا انك من هواة افلام الاكشن وان الرياضه المفضله ليكى هى المصارحه الحر ...

النوع السابع مدمن العمل صفاته..
رجل أعمال بمعني الكلمة، ذكي، طموح، أنيق وغير متاح على طول خارج الخدمه يعنى .الشيء الذي هيشدك ليه في البداية .. انه راجل جذاب وناجح هاتعوزى ايه يعنى اكتر من كدا ؟ الشيء المرعب عبارة "غير متاح" ضمن صفاته وفكري في معانيها الكتير وتأثيرها علي حياتك في المستقبل.علامة الخطر هتبان لما تكتشفين فجأة أن سكرتيرته بقت صديقتك المقربة لأنها هي الوحيدة "المتاحة" "دائما" لما تطلبينه في المكتب. ولا نفسك تحددى معاه معاد علشان تقابليه .. علشان تخلصى منوا قوليلوا انك مستعده تقعديلوا فى المكتب الاربعه وعشرين ساعه طالما هوا ماعندوش وقت كفايه بره المكتب علشان يقضيه معاكى . ونفذى الاقتراح دا فورا صدقينى هايمشى فورا ودا طبعا بناء على امر السكرتيره اللى مش هايعجبها الوضع دا ابداااااااااا

النوع التامن عاشق المساواة صفاته..
متحمس جدا لأهميه دور المرأه ، متحدث لبق، بيحب الكلام في السياسة ، وبيقدر الدور المزدوج الذي تلعبه المرأة في المجتمع.
الشيءاللى هيشدك ليه في البداية.. حماسه في الدفاع عن قضايا المرأة وضرورة المساواة في كل شيء بينها وبين الرجل. وهايخليكى تحسى انك هاتخدى منوا كل احترام وتقدير وهاتلاقى فيه حاجه تانى حلوا اوى انوا مابيحبش خالص يتفرج على القنوات الرياضيه وهايحترم زوقك فى اختيارالبرامج التلفزيونيه !!!
الشيء المرعب هايبان لما تتحرمى من حاجات كتير هو مش هايعملهالك زى انوا يفتحلك باب العربيه او يدفع الحساب فى المطعم او يبعتلك الورد او حتى انوا يوصلك لو الوقت اتأخر عليكى وانتى لسه فى الشارع كل دا ليه لان الحاجات دى ضد مبادئه . علامه الخطر بقا هاتبان لما يسيبلك كل المسؤليات الماديه على دماغك انتى وحدك علشان يحسسك بكيانك المستقل ، اه هو الاستقلال حلو بس مش لما يكون هو كمان معاكى انتى هاتصرفى عليه كمان . علشان تخلصى منوا قوليلوا انك بتحلمى دايما براجل تعتمدى عليه اعتماد كامل ماديا ومعنويا . اكيد هايمشى هو مش بتاع الكلام دا .

النوع التاسع الوحيد صفاته ..
لطيف، رومانسي، ماعندهوش اى اصحاب يشغلوه عنك أي أصدقاء ومؤمن جدا ان الشمس بتشرق وتغرب كل يوم مخصوص علشانك انتى ، الحاجه اللى هاتشدك ليه فى البدايه اهتماموا الزايد اوى بيكى واللى لازم هايحرك مشاعر اى حد غير كمان انوا هايكون شخص حساس جدا .الشيء المرعب.. أنه فعلاً مستعد يعمل اى حاجه علشان عيونك وهايهتم اوى بأنوا يفضل جنبك طول اليوم سمعانى كويس " طووووووووووول اليوووووووووووم " حاجه مرعبه طبعا .علامة الخطر هاتبان بأنه دايما هايطالبك بانك تكونى دايما جنبوا ومتفرغالوا زى ماهو متفرغلك خالص طيب هو راجل فاضى بس انتى اكيد مش كدا علشان تتخلصى منوا قوليلوا
أن أجمل أوقاتك هي التي بتقضيها وانى وحيده مع نفسك .. وإنك بتقدري الخصوصية اكيد دا سبب كفايه انوا يروح لحال سبيلوا يشوف واحده مالهاش فى الاجتماعيات وفاضيه زيوا .

النوع العاشر خبير الموضة صفاته ..
أنيق جداً، واثق من نفسه، بيعرف فى آخر صيحات الموضة ومعلوماته في فى المجال دا احسن من معلوماتك.الشيء اللى هايشدك ليه في البداية ..
لبسه سواء بقى كان كاجوال أورسمي ألوانه متناسقة،و بيهتم جدا بالإ *** سوار (الحزام والكرافات) باختصار راجل مبهر.الشيء المرعب .. أن دولاب لبسه هايخلى دولابك أنتى كانوا معرض للملابس الشعبيه فى جمهوريه الكنغو علامة الخطرهاتبان لما يفضل " الشوبنج" علي انه يقضى اليوم معاكى ولما يشوفك مش هايبطل نصايح عن اللى لازم تعمليه علشان تظبطى مظهرك وطريقة لبسك ، علشان تتخلصي منه.. كفايه تسأليه سؤال برىء جدا ، مييييين هو فرساتشى دا ؟؟ صدقينى هايمشى حتى من غير مايجاوب .
اعتقد بعد العرض السريع دا لأنواع الرجاله اللى ماينفعش نرتبط بيهم . أكيد إكتئبتوا زى تمام ، ومن غير ماتحاول تعلقوا وتقولوا رأيكوا انا هاقولكوا انتوا هاتقولوا ايه . البنات هايقولوا طب وبعدين دا كدا مافيش رجالخ تنفع خالص بقا ، أما الرجاله هايزعلوا اوى من التصنيف دا وهايقولوا هو البنات دول مافيش حاجه عجباهم ... لو كان دا رأيكوا هاقولكوا بقى تعملوا ايه ، بصوا يا أصدقائى الاعزاء هاتعملوا الاتى .... اممممممم وصلت المحطه بتاعتى معلش بقا نكمل كلامنا بعدين سلامااااااااااااات ...... على جنب بقا يا عم الحاج .
الرجوع الى أعلى الصفحة اذهب الى الأسفل
Bird Paradise
... عــضـو مـُـبـدع ...
... عــضـو مـُـبـدع ...


انثى
مـسـاهـمـَـاتـك : 840
عـَـمـلـك : طالبة بكلية اعلام القاهرة
هـوايـتـك : الاصدقاء والسفر
سـجـلـت إمـتـى : 05/05/2008

مُساهمةموضوع: رد: عشر أنواع من الرجاله ماينفعوش لا للجواز ولا للأرتباط !!!   الأربعاء يونيو 04, 2008 1:44 pm

بالذات الفلانتينو ده بتبقي الواحدة بتشك 24 ساعة في ال24 ساعة .
بنتظار ردودكم
الرجوع الى أعلى الصفحة اذهب الى الأسفل
شمس
... عــضـو مـُـبـدع ...
... عــضـو مـُـبـدع ...


انثى
مـسـاهـمـَـاتـك : 3294
سـنــك : 21
عـَـمـلـك : طالبة
هـوايـتـك : الغناء
سـجـلـت إمـتـى : 21/11/2007

مُساهمةموضوع: رد: عشر أنواع من الرجاله ماينفعوش لا للجواز ولا للأرتباط !!!   الأربعاء يونيو 04, 2008 1:48 pm

ميرسي اوي ع الموضوع الجامد دا ومواضيعك كلها مميزة وجميلة اوي
الرجوع الى أعلى الصفحة اذهب الى الأسفل
http://thelife.ahlamontada.com/
Bird Paradise
... عــضـو مـُـبـدع ...
... عــضـو مـُـبـدع ...


انثى
مـسـاهـمـَـاتـك : 840
عـَـمـلـك : طالبة بكلية اعلام القاهرة
هـوايـتـك : الاصدقاء والسفر
سـجـلـت إمـتـى : 05/05/2008

مُساهمةموضوع: رد: عشر أنواع من الرجاله ماينفعوش لا للجواز ولا للأرتباط !!!   الأربعاء يونيو 04, 2008 1:56 pm

شكرا لردك الجمي
الرجوع الى أعلى الصفحة اذهب الى الأسفل
real time

صاحب الموقع
صاحب الموقع


ذكر
مـسـاهـمـَـاتـك : 2823
سـنــك : 26
مـوقـعـَـك : http://www.riyadh-leaks.com/
عـَـمـلـك : طالب
هـوايـتـك : التصميم
سـجـلـت إمـتـى : 22/09/2007

مُساهمةموضوع: رد: عشر أنواع من الرجاله ماينفعوش لا للجواز ولا للأرتباط !!!   الأربعاء يونيو 04, 2008 1:57 pm

موضوع جميل جدا
من ايد اجمل
بعض المعلومات مش صحيحه

_________________
الرجوع الى أعلى الصفحة اذهب الى الأسفل
http://www.riyadh-leaks.com/
Bird Paradise
... عــضـو مـُـبـدع ...
... عــضـو مـُـبـدع ...


انثى
مـسـاهـمـَـاتـك : 840
عـَـمـلـك : طالبة بكلية اعلام القاهرة
هـوايـتـك : الاصدقاء والسفر
سـجـلـت إمـتـى : 05/05/2008

مُساهمةموضوع: رد: عشر أنواع من الرجاله ماينفعوش لا للجواز ولا للأرتباط !!!   الأربعاء يونيو 04, 2008 2:05 pm

يبقي انت شايف نفسك حد من العشرة .......ههههههههههههههه
الرجوع الى أعلى الصفحة اذهب الى الأسفل
جـــنـــه

مـديـر عـَــام
مـديـر عـَــام


انثى
مـسـاهـمـَـاتـك : 14122
سـنــك : 33
مـوقـعـَـك : ملتقى دريم
عـَـمـلـك : لا اعمل
هـوايـتـك : القراءة
سـجـلـت إمـتـى : 20/12/2007

مُساهمةموضوع: رد: عشر أنواع من الرجاله ماينفعوش لا للجواز ولا للأرتباط !!!   الأربعاء يونيو 04, 2008 3:01 pm

:مشكووور:
حياك الله

_________________
الرجوع الى أعلى الصفحة اذهب الى الأسفل
Bird Paradise
... عــضـو مـُـبـدع ...
... عــضـو مـُـبـدع ...


انثى
مـسـاهـمـَـاتـك : 840
عـَـمـلـك : طالبة بكلية اعلام القاهرة
هـوايـتـك : الاصدقاء والسفر
سـجـلـت إمـتـى : 05/05/2008

مُساهمةموضوع: رد: عشر أنواع من الرجاله ماينفعوش لا للجواز ولا للأرتباط !!!   الأربعاء يونيو 04, 2008 3:43 pm

شكرا لردك الجمي
الرجوع الى أعلى الصفحة اذهب الى الأسفل
زائر
زائر



مُساهمةموضوع: رد: عشر أنواع من الرجاله ماينفعوش لا للجواز ولا للأرتباط !!!   الأربعاء يونيو 04, 2008 5:47 pm

ههههههههههههههههههه

كلامك كله صح

تسلممين يا قمر

بوافقك فى الموضوع ده 1000000000000000%
الرجوع الى أعلى الصفحة اذهب الى الأسفل
Bird Paradise
... عــضـو مـُـبـدع ...
... عــضـو مـُـبـدع ...


انثى
مـسـاهـمـَـاتـك : 840
عـَـمـلـك : طالبة بكلية اعلام القاهرة
هـوايـتـك : الاصدقاء والسفر
سـجـلـت إمـتـى : 05/05/2008

مُساهمةموضوع: رد: عشر أنواع من الرجاله ماينفعوش لا للجواز ولا للأرتباط !!!   الأربعاء يونيو 04, 2008 8:35 pm

نورت الموضوع
الرجوع الى أعلى الصفحة اذهب الى الأسفل
انا بحبك

صاحب الموقع
صاحب الموقع


ذكر
مـسـاهـمـَـاتـك : 8222
هـوايـتـك : الرياضة
سـجـلـت إمـتـى : 20/09/2007

مُساهمةموضوع: رد: عشر أنواع من الرجاله ماينفعوش لا للجواز ولا للأرتباط !!!   الأربعاء يونيو 04, 2008 9:05 pm

الحمد لله

تسلم ايدك على الموضوع
بس مش شرط يعني


شكرا توتة
بنتظار جديدك

_________________
الرجوع الى أعلى الصفحة اذهب الى الأسفل
http://dream.own0.com
Bird Paradise
... عــضـو مـُـبـدع ...
... عــضـو مـُـبـدع ...


انثى
مـسـاهـمـَـاتـك : 840
عـَـمـلـك : طالبة بكلية اعلام القاهرة
هـوايـتـك : الاصدقاء والسفر
سـجـلـت إمـتـى : 05/05/2008

مُساهمةموضوع: رد: عشر أنواع من الرجاله ماينفعوش لا للجواز ولا للأرتباط !!!   الخميس يونيو 05, 2008 1:05 pm

شكرا لردك الجمي
الرجوع الى أعلى الصفحة اذهب الى الأسفل
زائر
زائر



مُساهمةموضوع: رد: عشر أنواع من الرجاله ماينفعوش لا للجواز ولا للأرتباط !!!   الخميس يونيو 05, 2008 11:17 pm

:مشكووور:
الرجوع الى أعلى الصفحة اذهب الى الأسفل
 
عشر أنواع من الرجاله ماينفعوش لا للجواز ولا للأرتباط !!!
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: ملتقيات دريم العامة :: الملتقي العام الشامل-
انتقل الى: