الغريب الى هتستغربوا ليه انى بنت وبتتكلم على الصفات الى فى البنات بس علشان ادم ميقولش ان حواء على طول الخط ظالمه ليه وبتقول عليه انه المفترى مننساش ان حواء خرجت ادم من الجنة ايوة مش كل البنات الى فيهم الصفات ديه بس اغلبهم .
فى شويه صفات لو راحت منك يا حواء هتكونى ملاك وهتريحى ادم كمان وديه منها .
1- النكد
اغلب البنات الى شفتها بتحب النكد سواء كان على جوزها او خطيبها اى يكون الى هتنكد عليه المهم انها تنكد وخلاص ،الخناق عمال على بطال وتنكدوخلاص يعينى بيكون غلبان وبيستحمل منها كتير اووووووى ( بصراحه مش كلهم غلبانين يعنى فى مهم برضوا مفتريين ) ، ولو طيب مفيش خطيب ولا جوز يبقى التليفزيون وكام مسلسل درامى او فيلم وعلبتين مناديل وهات يا عياط
حتى الدراسة بعد اى امتحان لازم تخرج تعيط فى ايه يا بنتى مالك اصلى محلتش النقطة الاخيرة فى الامتحان هسسقط مع العلم ان ممكن النقطة دى تكون فى سوال اختيارى وهى حلته زيادة تاكيد
2- الميول العدوانية
عمرك شفت بنت بتتفرج على مصارعة ؟؟؟
ايوة والله فى بنات كتير بتتفرج على مصارعة وحافظين اسماء المصارعين كمان وحركتهم ...غير ان فى بنات كتير بطلات رفع اثقال- وتايكوندو- والعاب عنيفة كتير الولد يتكلم معاها باز وق يلقى وحش قدامه بيتكلم
3- الاسراف
بتحب تشترى اى حاجة مش مهم هى ايه او بتعمل ايه او فايدتها ايه بس هى حاجة جديدة وخلاص غير اللبس والميك اب والجيم..الخ الخ
ممكن فى مرة تعمل فيها الجامد وتعزمها فى اى مكان تحبه بس تكون عامل حسابك وبايع بيتكم قبلها عشان تسدد الفاتورة لان مفيش بنت هتدخلك محل كشرى ولا مطعم فول
4- الغيرة
الغيرة للبنت حاجة عادية للولد تبقى شك
طيب والبنت الى بتبص للبنات الى فى الشارع او الكلية او الشغل عشان تشوفهم بيعملو ايه وتعمله ( تلقيها ديما تقولك هى فلانة حلوة كل ده ميك اب بس / علانة دى اصلا كانت كذا وكذا وكذا (
5- العند
العند ده صفة منتشرة جدا بيحبو يعندو عشان تحسسوا الولاد انكوا متفوقين عليهم تعالى كلم وحدة فى التليفون وقولها اقفلى تقولك لا انت الاول انت تصر انها تقفل الاول هتعند معاك لحد مارصيدك يخلص والخط يقطع من عندك( طبعا انت الى متصل )
6- البراءة المصطنعة والهدوء
البنت ديما تلقيها فى اول مرة تتعرف عليها بتكون هادية ولذيذة ودمها خفيف ولو زعلتها بتسكت وممكن تعيط كمان...بعد فترة لو لمحت من غير ماتقصد وزعلتها هتتمنى لو كنت فى قفص الاسد دلوقتى على الاقل ممكن يتفاهم معاك عنها
اه دول صفات فى البنات اه مش كل الصفات الى ممكن تكون تخنق ومش كل البنات فيها الصفات ديه بس كمان علشان منكش ظالمين لآدم اوى يعنى بس للعلم ادم مش الملاك ولا حوا هى الملاك برضوا
عايزة اعرف انتوا ايه رايكوا اكيد هكون فى راى حواء كلامى غلط وكمان فى راى ادم كلامى صح !!!!!!!!! بس عايزة اعرف ردكوا بجد
