س .و .جالرئيسيةالبوابةبحـثالتسجيلقائمة الاعضاءالمجموعاتدخول

شاطر | 
 

 نفسك في ايه؟؟؟بس ماتقولش كماننا...

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Bird Paradise
... عــضـو مـُـبـدع ...
... عــضـو مـُـبـدع ...


انثى
مـسـاهـمـَـاتـك : 840
عـَـمـلـك : طالبة بكلية اعلام القاهرة
هـوايـتـك : الاصدقاء والسفر
سـجـلـت إمـتـى : 05/05/2008

مُساهمةموضوع: نفسك في ايه؟؟؟بس ماتقولش كماننا...   الثلاثاء مايو 13, 2008 5:36 pm

أصل كلنا نفسنا في الكماننا دي.. وبالمناسبة بنوجه بالشكر لمحمد فؤاد وعنتر هلال على نحتهم لهذا المصطلح اللغوي المعبر جدا.. مين فينا مش عايز يبقى عنده كل مفردات الكماننا (شقة وعربية وموبايل وبنت مزة ورصيد كبير في البنك) شفتوا بقى فؤاد وهلال وفرّوا عليكم رغي كتير قد إيه لما قالوا كماننا..!!

بس أنا بقى مش جاي أتكلم عن أهمية الكماننا في حياة الشاب المصري وتأثير عدم وجود الكماننا في حياتنا, أنا جاي أتكلم عن الحلم الـ privet في حياتك أو بمعنى أدق (الهدف)..

تخيل إنك لا تملك هدفا تعيش من أجله.. وإنك بتلف في دواير والدنيا تلف بيك دايما تنتهي لمطرح ما ابتديت على رأي عمنا الأبنودي, هيبقى إيه شكل حياتك؟ (طبعا التخيل دا هو للفئة التي حددت هدفها لكن في ناس مش هتحتاج تتخيل), يا ترى إيه إحساس الإنسان وهو بيصحى كل يوم يعمل نفس الحاجات من تكشيرة وعكننة على أبوه وأمه ثم النشاط اليومي في البحث عن أية مصلحة يعملها على خلق الله عشان يطلع بقرشين يساعدوه لأن المصروف مش مقضي إلا حق الشاي والدخان بالعافية وتكملة بقية اليوم في السيبر يعمل chat ويبعت إيميلات ويخرج من الإنترنت يروح يقابل البنت اللي علقها من الشات إمبارح ويقول لها نفس الكلمتين اللي بيقولهم لكل البنات اللي عرفهم قبلها وهي كمان تقول له نفس الكلام اللي قالته لكل (البويز) اللي عرفتهم قبله ويبقوا هما اللي الاتنين عارفين إنهم بيشتغلوا بعض ومع ذلك بيعيشوا اللحظة, بعدها ترجع بيتكم تقضيها لب وسوداني قدام التليفزيون لحد ما تسمع آذان الفجر فتتاوب وتاخد بعضك وتتجه للسرير تغطس في أعماق البطانية في حضن مخدتك اللي اشتكت.. لتصحوا في نهار اليوم التالي (عفوا نفس اليوم) لتقوم بنفس ما فعلت بلا أي تغيير سوى في تفاصيل صغيرة كخناقة النهاردة مع واحد عاكس أختك.. ودا طبعا أمر يستدعي أن تجمع أصدقاءك وعزوتك عشان تأدب الواد ابن الفرطوس اللي تجرأ وعاكس أختك طبعا وأنت واضع في دماغك إن العلقة اللي هتديها للوغد دا هتساهم في رسم شخصية يهابها الجميع في المنطقة ألا وهي شخصية سعادتك بالطبع..!!

تخيل كل الأيام شبه بعض وبتمر بنفس الطريقة دي.. يانهار أبيض ع الملل..!!

دا الحياة من غير هدف وحلم وحشة أوي يا جدعان.. دي مش لازم تتعاش أصلا.. دا نفس الإحساس اللي ممكن تعيشه لو كنت ممن شاهدوا فيلم عيال حبيبة (ثلاثة أرباع الفيلم عبارة عن عدة مشاهد يتم تكرارها).

الهدف أو الحلم (الحلم اللي بتشوفه وإنت صاحي مش وإنت نايم) هو اللي هيخلي لحياتك معنى وهيخلق فيها دايما الجديد لأنك كل يوم هتبدأ خطوة جديدة في طريق هدفك وحلمك, خطوة مش شبه اللي قبلها ومش لازم أبدا إنها تكون شبه اللي بعدها.. ساعتها هتبقى الحياة تستحق إنها تتعاش لأن فيه في حياتك دي هدف عايز تحققه.. هدف يخلّي لوجودك في الدنيا معنى ويخليك مش شبه أي حد جه في الدنيا دي ومشي وكان كل تأثيره هو شوية الأكسجين اللي شفطهم من الجو..

على فكرة مش شرط أبدا ولا لازم إننا نحقق حلمنا, لكن شرف التجربة والمحاولة في حد ذاته مكسب, والتوفيق دايما من عند الله, ممكن تفشل مرة واتنين وعشرة لكن بالتأكيد الفشل مش هيستمر المهم يكون عندنا صبر وإيمان بإن ربنا دايما في صفنا طالما إحنا كمان في صفه..

الحلم هو الحياة والحياة من غير حلم زي الجسد الميت صحيح موجود لكن روحه وسر الحياة فيه مش موجودين.. يعني مجرد جثة..

إنت بقى عايز تبقى إنسان له هدف وحلم ولا عايز تبقى جثة؟!
الرجوع الى أعلى الصفحة اذهب الى الأسفل
انا بحبك

صاحب الموقع
صاحب الموقع


ذكر
مـسـاهـمـَـاتـك : 8222
هـوايـتـك : الرياضة
سـجـلـت إمـتـى : 20/09/2007

مُساهمةموضوع: رد: نفسك في ايه؟؟؟بس ماتقولش كماننا...   الثلاثاء مايو 13, 2008 5:54 pm

:موضوع قمة الجم

مشكووورة جدا يا توتة

_________________
الرجوع الى أعلى الصفحة اذهب الى الأسفل
http://dream.own0.com
real time

صاحب الموقع
صاحب الموقع


ذكر
مـسـاهـمـَـاتـك : 2823
سـنــك : 26
مـوقـعـَـك : http://www.riyadh-leaks.com/
عـَـمـلـك : طالب
هـوايـتـك : التصميم
سـجـلـت إمـتـى : 22/09/2007

مُساهمةموضوع: رد: نفسك في ايه؟؟؟بس ماتقولش كماننا...   الثلاثاء مايو 13, 2008 8:05 pm

الناس انواع
وكل واحد عايز يبقى حاجة
اللى عايز يبقى تافهه واللى عايز يبقى صايع
بس انا بقى من غير حسد
مش عارف عايز ابقى ايه
موضوع جميل جدا كامننا
:موضوع قمة الجم

_________________
الرجوع الى أعلى الصفحة اذهب الى الأسفل
http://www.riyadh-leaks.com/
زائر
زائر



مُساهمةموضوع: رد: نفسك في ايه؟؟؟بس ماتقولش كماننا...   الأحد مايو 18, 2008 11:50 am

:مشكووور:
الرجوع الى أعلى الصفحة اذهب الى الأسفل
برنسيسة دريم
... عــضـو مـُـبـدع ...
... عــضـو مـُـبـدع ...


انثى
مـسـاهـمـَـاتـك : 875
سـجـلـت إمـتـى : 27/09/2007

مُساهمةموضوع: رد: نفسك في ايه؟؟؟بس ماتقولش كماننا...   الأحد مايو 18, 2008 2:03 pm

مشكوووووووووووووووووووووووووووووووور
الرجوع الى أعلى الصفحة اذهب الى الأسفل
Bird Paradise
... عــضـو مـُـبـدع ...
... عــضـو مـُـبـدع ...


انثى
مـسـاهـمـَـاتـك : 840
عـَـمـلـك : طالبة بكلية اعلام القاهرة
هـوايـتـك : الاصدقاء والسفر
سـجـلـت إمـتـى : 05/05/2008

مُساهمةموضوع: رد: نفسك في ايه؟؟؟بس ماتقولش كماننا...   الثلاثاء مايو 20, 2008 10:55 pm

دمتم بخير نورت الموضوع
الرجوع الى أعلى الصفحة اذهب الى الأسفل
زائر
زائر



مُساهمةموضوع: رد: نفسك في ايه؟؟؟بس ماتقولش كماننا...   الأربعاء مايو 21, 2008 12:26 pm

:موضوع قمة الجم
الرجوع الى أعلى الصفحة اذهب الى الأسفل
 
نفسك في ايه؟؟؟بس ماتقولش كماننا...
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: ملتقيات دريم العامة :: الملتقي العام الشامل-
انتقل الى: